Deseño de marca en Vigo: unha imaxe que se recoñece á primeira.

Preguntas frecuentes sobre deseño de marca

• Xa teño logotipo. Teño que tiralo?

  Non. Moitas veces abonda con ordenalo: limpalo, fixar cores e letras e aplicalo igual en todas partes. Se o que tes funciona e a túa clientela o recoñece, mantémolo e facémolo medrar.

• Que diferenza hai entre logotipo, identidade corporativa e branding?

  O logotipo é o símbolo ou o nome debuxado. A identidade corporativa, ou identidade visual, é todo o sistema: logotipo, paleta de cores, tipografías e como se aplican. O branding vai un paso máis alá: o que a xente sente e conta do teu negocio. Eu traballo as dúas primeiras pensando na terceira.

• Que leva unha guía ou manual de marca?

  As versións do logotipo, as cores cos seus códigos, as tipografías, os tamaños mínimos e os espazos que hai que respectar, que fondos serven e exemplos de uso na carta, no rótulo ou nas redes. Nun negocio pequeno cabe en poucas páxinas.

• Que é unha submarca?

  É unha variante da túa marca para outra liña, outro servizo, unha tempada ou un local novo. Cambian o ton ou unha cor, pero nótase que é a mesma casa, así non perdes a clientela que xa tes.

• Que arquivos me entregas?

  O logotipo en SVG, PDF e PNG (en cor, en branco e en negro), a paleta cos seus códigos, as tipografías, unha guía de uso sinxela e os modelos para redes listos para editar. Todo é teu.

• Podo usar un creador de logos gratis, como Canva?

  Para saír do paso, si. O problema é que eses modelos úsaos moita xente, non che dan un sistema completo (cores, letras, versións) e ás veces nin arquivos bos para imprimir un rótulo. Se o teu local depende de que o recoñezan, paga a pena unha marca feita para ti.

• Traballas só con bares e restaurantes?

  Non. A hostalaría é onde máis se nota unha boa marca, pero fago deseño de marca para comercios, profesionais, escolas e pequenos negocios de Vigo e de toda Galicia.

• Canto tarda?

  Depende do que precises, pero unha marca para un local pequeno adoita estar nunhas semanas desde que me devolves o cuestionario. Antes de comezar douche datas pechadas.

• Canto custa un logotipo?

  Depende do que inclúa: non é o mesmo ordenar un logotipo que xa tes que crear unha identidade corporativa completa con guía, submarcas e modelos. Fágoche un orzamento á medida e por escrito despois de ler o cuestionario.