Saltar ao contido
SEO en IA e SEO local

Que te atopen en Google, no mapa e na IA.

Hoxe a xente xa non só busca en Google: tamén lle pregunta a ChatGPT, a Claude ou a Perplexity, e mira o mapa antes de saír da casa. Traballo para que nos tres sitios apareza o teu negocio.

Pedir orzamento Falamos

A miña ferramenta

Faro: o meu propio radar de SEO.

Levo moito tempo construíndo e afinando Faro, unha aplicación de análise SEO feita por min e para a miña forma de traballar. Hoxe é unha peza clave de unmedia: con ela vixío cada semana as webs que coido.

  • Que busca a xente e en que posto saes.
  • Quen che gaña e por que.
  • Se ChatGPT, Claude ou Perplexity te nomean.
  • Que páxinas non ve Google e que arranxar primeiro.
Que inclúe

Google, o mapa e a IA, traballados á vez.

SEO en IA

Contido que responde preguntas reais e datos claros do teu negocio, para que ChatGPT, Claude, Perplexity ou a IA de Google te nomeen.

SEO local

O teu Perfil de Empresa de Google coidado, recensións e unha web que di ben onde estás, para saír no mapa e en «preto de min».

Por que me gaña?

Compárote con quen sae por diante nas túas buscas e dígoche, punto por punto, que ten el que non teñas ti.

Vixilancia semanal

Cada semana reviso clics, posicións e páxinas que Google deixa de ver. Se algo se torce, decátome eu antes ca ti.

Contido que responde

Artigos e páxinas pensados a partir do que os teus clientes preguntan de verdade, en galego, en castelán ou en inglés.

Explicado claro

Nada de informes de cen páxinas: que pasou, que fixen e que toca agora, en linguaxe de persoa.

Que esperar

Que se traballa nun SEO de verdade e canto tarda.

O SEO é o traballo para que Google te amose cando alguén busca o que fas, sen pagar por cada clic. O que consegues non se apaga o día que deixas de pagar, pero tampouco chega nunha semana.

As catro partes dun SEO serio e o que pasa se unha falla.
ParteQue inclúeSe falla
TécnicaQue Google poida ler todas as páxinas, velocidade no móbil, https, mapa do sitio e nada de páxinas duplicadas.Dá igual o bo que sexa o contido: Google non o ve ou non se fía.
ContidosUnha páxina para cada cousa que a xente busca de verdade, coa resposta clara arriba.A web existe, pero non responde a nada que se busque.
MenciónsQue te citen webs fiables: prensa local, asociacións, provedores e directorios serios do sector.Outros con máis antigüidade adiántante.
MediciónSearch Console revisada cada semana, con decisións a partir dos datos.Trabállase ás cegas e celébrase o que non importa.
  • Arranxos técnicos: nótanse nunha ou dúas semanas.
  • Contido novo: entre catro e oito semanas ata que se asenta.
  • Autoridade (mencións, recensións e antigüidade): de tres a seis meses, e adoita decidir os primeiros postos.

Que decide quen sae no mapa.

Google ordena os resultados locais pola relevancia (o ben que a túa ficha encaixa co que se busca), a distancia (non a podes cambiar, por iso ninguén sae primeiro en todo Vigo á vez) e a prominencia (recensións, mencións e a forza da túa web). Se queres empezar esta semana pola túa conta:

  • Busca o teu negocio en Google Maps desde o móbil doutra persoa e mira que ve.
  • Reclama a ficha e escolle como categoría principal a máis concreta: mira a que usan os tres que saen arriba.
  • Completa o horario (tamén os festivos), os servizos, a descrición e cinco fotos boas, fachada incluída.
  • Escribe o nome, o enderezo e o teléfono dunha soa forma e cópiaa igual na web, nas redes e nos directorios.
  • Pídelles recensións a clientes contentos coa ligazón do perfil e responde todas, as boas e as malas.
Preguntas frecuentes

O que adoitan preguntarme sobre o SEO.

  • Que é o SEO en IA?

    É traballar a túa web para que ChatGPT, Claude, Perplexity ou a IA de Google te nomeen cando alguén lles pregunta polo que fas. Conséguese con contido que responde preguntas reais, datos claros sobre o teu negocio e unha web que esas ferramentas poidan ler ben.

  • Que é o SEO local?

    É aparecer cando alguén busca o que ofreces preto de onde está: en Google Maps, no bloque de negocios do buscador e en buscas como «preto de min». Inclúe o teu Perfil de Empresa de Google, as recensións e que a túa web diga con claridade onde estás e a que zona dás servizo.

  • Garántesme saír o primeiro?

    Non. Ninguén pode garantilo con honestidade: a orde decídena Google e cada IA. O que si che garanto é traballo medido cada semana, explicado en linguaxe clara, e decisións baseadas en datos e non en corazonadas.

  • Canto tarda en notarse?

    Os arranxos técnicos nótanse en semanas; posicionarte para buscas con competencia adoita levar meses. Antes de comezar dóuche un prazo realista para o teu caso, sen promesas infladas.

  • Canto custa?

    O paquete Presenza, desde 75 € ao mes, inclúe SEO continuo e unha revisión trimestral de como apareces en ChatGPT, Claude, Perplexity e na IA de Google. Se precisas un empurrón inicial ou unha análise puntual, orzaméntocho á medida.

  • Custa diñeiro aparecer en Google Maps?

    Non. O Perfil de Empresa de Google é gratuíto. Os anuncios marcados como «Patrocinado» no mapa si se pagan, pero o resultado normal non se compra: gáñase cunha ficha completa, recensións reais e unha web que a respalde.

  • Podo aparecer en Google Maps se traballo a domicilio?

    Si. A ficha créase como negocio de zona de servizo: ocultas o enderezo e marcas os concellos ou barrios onde traballas. O que non se permite é poñer un enderezo falso nin engadirlle palabras clave ao nome do negocio.

Máis no blog: Como aparecer en ChatGPT e nas respostas da IA · O meu negocio aparece pechado en Google Maps · Como saír arriba en Google Maps: perruquerías en Vigo

Antes da web, a marca: se aínda non tes logotipo nin cores claras, comeza polo deseño de marca en Vigo.

Paquete relacionado

Presenza

A túa web funciona, atópase e móvese. Todo o de Coidado, e ademais SEO continuo, revisión trimestral de como apareces en ChatGPT, Claude, Perplexity e na IA de Google, 2 horas ao mes de melloras e informe trimestral en linguaxe humana.

Desde
75 €/mes sen IVE
Contratar

90,75 €/mes con IVE. Cancélase cando queiras.

Ver todos os paquetes

Miramos onde saes hoxe?

Cóntame que fas e onde. Pásoo por Faro e dígoche onde estás e que faría primeiro.

Pedir orzamento Falamos