Deseño web en Vigo, con prezo pechado e trato directo.

Canto custa o deseño web en Vigo.

Son prezos de partida. A cifra pechada dóucha por escrito antes de comezar, e non cambia se non cambia o encargo.

Se queres o detalle do que entra en cada partida, explícoo en Canto custa unha páxina web en 2026? e en orzamento de páxina web en Vigo: un exemplo e que debe incluír.

Que ten que ter a web dun negocio de Vigo.

Quen busca un servizo en Vigo adoita facelo desde o móbil e con présa: quere saber se estás aberto, canto custa e como chegar ou escribirche. Unha web que vende aquí responde a iso na primeira ollada.

• O que fas e onde, nunha frase. «Fisioterapia en Teis» ou «reformas en Vigo e Redondela» di máis ca un eslogan, ás persoas e a Google.
• Os mesmos datos ca na túa ficha de Google. Nome, enderezo, teléfono e horario idénticos na web e en Google Maps. Se non coinciden, Google desconfía.
• Un botón para chamar e outro para WhatsApp. Moita xente de aquí prefire escribir un WhatsApp antes que encher un formulario.
• Prezos ou, polo menos, desde canto. Aforra chamadas que non levan a ningures e atrae a quen xa está decidido.
• Galego e castelán, se a túa clientela os usa. E en inglés, se traballas con xente de fóra.
• Zona de servizo clara. Se vas a domicilio, di a que parte da comarca chegas: Vigo, Redondela, Cangas, Moaña, Nigrán, Baiona, O Porriño, Mos ou Gondomar.
• Rápida e segura. Unha web lenta perde visitas antes de cargar, e unha web sen actualizar acaba dando un aviso de perigo no navegador.

O primeiro que debería ver o teu cliente, segundo o sector.

Se o que che preocupa é o mapa, mira o SEO local e na IA e, se Google amosa o teu negocio como pechado, por que pasa e como arranxalo.

Como escoller quen fai a túa web.

O prezo e un portafolio bonito non abondan. Estas son as preguntas que lle faría eu a calquera antes de encargarlle unha web, tamén a min; quen traballa ben respóndeas sen rodeos.

• De quen son o dominio e a web? Teus, ao teu nome desde o primeiro día, para que poidas levalos a outro sitio cando queiras.
• Quen fai as copias e onde se gardan? «O hosting xa fai copias» non é unha resposta: pregunta cantos días se gardan e se alguén probou a recuperar unha.
• Canto custa mantela cada ano? Por escrito e á parte do prezo da web. Unha web barata cun mantemento caro, ou sen ningún, sae máis cara en tres anos.
• Como saberemos se funciona? Como mínimo, alta en Search Console, a consola gratuíta de Google, para ver con que buscas te atopan.
• Que tal vai no móbil? Pide abrir no teu teléfono algunha web que xa fixese.
• Quen escribe os textos e pon as fotos? É onde máis se atrasan os proxectos: deixade claro quen fai que e cando.
• Quen che responde se algo falla? Un formulario de soporte ou unha persoa con nome e teléfono. As dúas cousas existen; escolle sabendo cal che toca.

E desconfía de tres cousas: «primeiro en Google en 24 horas, garantido», un dominio rexistrado ao nome do provedor e un prezo pechado que non detalla cantas páxinas, idiomas e funcións inclúe.

O que adoitan preguntarme sobre o deseño web en Vigo.

• Canto custa unha páxina web en Vigo?

  Comigo, unha web dunha soa páxina parte de 600 € e unha web de empresa de ata seis páxinas nun idioma, de 1.400 €, co primeiro ano de coidado incluído. Cada idioma máis suma 125 € e unha tenda en liña parte de 1.500 €. Son prezos sen IVE; a cifra pechada dóucha por escrito antes de comezar.

• Hai que pagar unha cota mensual?

  A web págase unha vez e é túa. Despois podes contratar o coidado (servidor, copias, actualizacións e vixilancia) desde 35 € ao mes sen IVE, sen permanencia: cancélase avisando cun mes. Na web de empresa, o primeiro ano de coidado vai incluído.

• Traballas só con negocios de Vigo?

  Non. Traballo desde Vigo con negocios da cidade e da comarca, como Redondela, Cangas, Moaña, Nigrán, Baiona, O Porriño, Mos ou Gondomar, e en remoto con clientes de toda España, Londres e Los Ángeles. Se estás preto, tamén podemos vernos en persoa.

• Podes facer a web en galego e en castelán?

  Si. Fago webs en galego, castelán e inglés, cada idioma co seu propio enderezo para que Google lle amose a cada persoa a versión que lle corresponde. Cada idioma máis suma 125 € ao prezo da web.

• Axúdasme a saír en Google Maps?

  Si. A web e a ficha de Google teñen que dicir o mesmo: nome, enderezo, teléfono, horario e servizos. Ao publicar a web reviso o teu Perfil de Empresa de Google e dóua de alta en Search Console. Se queres traballar o SEO local de xeito continuo, está o paquete Presenza, desde 75 € ao mes sen IVE.

• WordPress ou web estática?

  Se a túa web cambia pouco, unha web estática é máis rápida, máis segura e máis barata de manter. Se vas publicar a miúdo, como novas, datas ou produtos, poño un xestor de contidos para que o fagas ti. Decidímolo xuntos segundo como traballes.

• Que é mellor, unha axencia ou un freelance?

  Depende do que necesites. Unha axencia encaixa cando precisas moitas pezas coordinadas á vez, como marca, campañas e redes. Un profesional por conta propia, cando queres falar directamente con quen fai e coida a web; eu traballo así. En ambos casos, pregunta o mesmo: de quen é o dominio, quen fai as copias e canto custa o mantemento.

• Preciso web se xa teño Instagram e ficha de Google?

  Si, aínda que sexa pequena. Instagram e a ficha de Google non son túas e cambian as súas normas cando queren; a web si é túa, Google léa mellor e nela podes ter a carta, os prezos, as reservas ou os servizos explicados con calma. As tres compleméntanse.

Máis no blog: WordPress ou web estática? · Como aparecer en ChatGPT e na IA · Textos legais obrigatorios dunha web

Todo o que fago en webs, tamén fóra de Vigo, está en Webs que se atopan. Se xa tes web e o que necesitas é que alguén a coide, mira o mantemento web en Vigo; se o teu é unha ferramenta para o traballo diario, as apps á medida en Vigo.